
ଅନୁଗୋଳ ୨୯।୧୧ – ଅନୁଗୋଳ ସହର ଉପକଣ୍ଠ ସ୍ଥିତ ଓ.ପି. ଜିନ୍ଦଲ ସ୍କୁଲ ପକ୍ଷରୁ ଜିନ୍ଦଲ ନଗରର ଇଡେନ୍ ଗାର୍ଡେନ୍ ପରିସରରେ ବାର୍ଷିକ ପ୍ରଦର୍ଶନୀ ଏକ୍ସପ୍ଲୋରାଇଜ୍ ୨୦୨୫-୨୬ ଅନୁଷ୍ଠିତ ହୋଇଯାଇଛି । ଏହି ପ୍ରଦର୍ଶନୀରେ ପ୍ରାୟ ୨୦୦ଟି ଅଭିନବ ଏବଂ ସୃଜନଶୀଳ ପ୍ରକଳ୍ପ ପ୍ରଦର୍ଶିତ ହୋଇଥିଲା । ପ୍ରଦର୍ଶନୀରେ ବିଜ୍ଞାନ, ଗଣିତ, ସାହିତ୍ୟ, ସାମାଜିକ ବିଜ୍ଞାନ, କଳା, କ୍ରୀଡା, ବ୍ରିଟିଶ୍ କାଉନସିଲ୍, ୟୁନେସ୍କୋ, ବାଣିଜ୍ୟ ଏବଂ କ୍ୟାରିୟର ପରାମର୍ଶ ସମେତ ବିଭିନ୍ନ କ୍ଷେତ୍ରରେ ଛାତ୍ରଛାତ୍ରୀଙ୍କ ସୃଜନଶୀଳତା ଏବଂ ଉତ୍କର୍ଷତା ପ୍ରଦର୍ଶିତ ହୋଇଥିଲା। ଏହି ପ୍ରଦର୍ଶନୀରେ ଛାତ୍ରଛାତ୍ରୀମାନଙ୍କ ଦ୍ବାରା ଉପସ୍ଥାପିତ ହୋଇଥିବା ପ୍ରକଳ୍ପ ଗୁଡ଼ିକ ଶିକ୍ଷକମାନଙ୍କ ତତ୍ତ୍ୱାବଧାନ ଓ ମାର୍ଗଦର୍ଶନରେ ପ୍ରସ୍ତୁତ ହୋଇଥିଲା ।

ଏହି କାର୍ଯ୍ୟକ୍ରମ ବିଦ୍ୟାଳୟର ଅଧ୍ୟକ୍ଷ ଡଃ ଅଶ୍ବିନୀ କୁମାର ସାହୁଙ୍କ ସ୍ବାଗତ ଅଭିଭାଷଣ ସହିତ ଆରମ୍ଭ ହୋଇଥିଲା, ଏହା ପରେ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ଦ୍ବାରା ଏକ ମଧୁର ସ୍ବାଗତ ସଙ୍ଗୀତ ପରିବେଷଣ କରାଯାଇଥିଲା। ଏହା ସହିତ ସ୍ବାଗତ ନୃତ୍ୟ ଏବଂ ସ୍କୁଲ୍ ବ୍ୟାଣ୍ଡ୍ ଦ୍ବାରା ବାଦ୍ୟ ପରିବେଷଣ ଭଳି ସାଂସ୍କୃତିକ କାର୍ଯ୍ୟକ୍ରମ ପରିବେଶକୁ ଅଧୂକ ଆକର୍ଷଣୀୟ କରିଥିଲା। ସମ୍ମାନିତ ଅତିଥ୍ ଭାବେ କର୍ଣ୍ଣେଲ ସୁଦୀପ ମାଜୀ, ଉପ-ସଭାପତି ଓ ପ୍ରଶାସନ ମୁଖ୍ୟ, ଜିନ୍ଦଲ ଷ୍ଟିଲ୍, ଅନୁଗୁଳ ଯୋଗ ଦେଇ ପ୍ରଦର୍ଶନୀକୁ ଉଦଘାଟନ କରିବା ସହ ଛାତ୍ରଛାତ୍ରୀମାନଙ୍କୁ ସେମାନଙ୍କ ଉତ୍ସର୍ଗୀକୃତ ଭାବ ଏବଂ ପ୍ରଦର୍ଶନୀରେ ପ୍ରଦର୍ଶିତ ନୂତନ କୌଶଳକୁ ଉଚ୍ଚ ପ୍ରଶଂସା କରିଥିଲେ । ଏହି ଅବସରରେ ପ୍ରଦର୍ଶନୀର ବିଜେତା ଏବଂ ଓପିଜେଏସଏର ଯୁବ ଲେଖକ -ଲେଖିକା ମାନଙ୍କୁ ସମ୍ମାନିତ ଅତିଥି ସମ୍ବନ୍ଧିତ କରିଥିଲେ । ପ୍ରଦର୍ଶନୀ ପାଇଁ କାର୍ଯ୍ୟକ୍ରମ ସ୍ଥଳକୁ ଅତି ସୁନ୍ଦର ଭାବରେ ସୁସଜ୍ଜିତ କରାଯାଇଥିଲା, ଯାହା ‘ଏକ୍ସପ୍ଲୋରାଇଜ୍’ ୨୦୨୫ କୁ ଆହୁରି ସ୍ମରଣୀୟ ଏବଂ ପ୍ରେରଣାଦାୟକ ଉତ୍ସବ କରିଥିଲା।

